نعت رسول مقبول ﷺ

نَعتِ رَسُول مقبول ﷺ: مجھے بھی مدینے بلا میرے مولا

مجھے بھی مدینے بلا میرے مولا
کرم کی تجلی دکھا میرے مولا

بہت بیقراری کے عالم میں ہوں میں
میری بیقراری مٹا میرے مولا

سنا ہے مدینہ کرم ہی کرم ہے
تو رکھتا جہاں میں سبھی کا بھرم ہے

تجھے واسطہ تیرے پیارے نبیﷺ کا
میری اب تو بگڑی بنا میرے مولا

جسے تو نے چاہا میں اس پے فداہوں
میں تیرے محمدﷺکے در کا گدا ہوں

تجھے واسطہ کربلا کی زمیں کا
مجھے ہر بلا سے بچا میرے مولا

یہ دونوں جہاں تیرے زیر اثر ہیں
جو تجھ کو نہ مانیں بڑے بے خبر ہیں

نہیں جانتے جوبھی تیرے غضب کو
انہیں غفلتوں سے جگا میرے مولا

شفاعت کا وعدہ کیا تو نے جس سے
گناہگار امید رکھتے ہیں اس سے
سفارش کریں تجھ سے امت کی آقاﷺ
تو کرنا سبھی کا بھلا میرے مولا

مری مشکلیں گر تیرا امتحاں ہیں
تو ہر غم قسم سے خوشی کا سما ہے

گناہوں کی میرے اگر یہ سزاہے
تو پھر مشکلوں کو گھٹا میرے مولا

نگاہوں سے پنہاں کیوں منزل میری ہے
مجدھار میں ناؤمیری پھنسی ہے

محمدﷺکو تو نے جو قرآں دیا ہے
کروڑوں دلوں میں مکمل چھپا ہے

اے قرآں کے خالق گذارش ہے تجھ سے
میرے دل میں قرآں بسا میرے مولا

یہاں پل میں بدلے ہوئے لوگ پائے
وہاں پل میں اپنے بھی دیکھے پرائے

تجھے تو ہمارے دلوں کی خبر ہے
کریں تجھ سے کس کا گلہ میرے مولا

خطاؤں کا مارا بھی پالے گا ساحل
گر عابد کے دل میں سما میرے مولا

جناب پیرزادہ عابد علی شاہ

*****************************************************************************************************************

Mujhe bhi Madine Bula Mere Maula : نَعتِ رَسُول مقبول ﷺ

Mujhe bhi Madine Bula Mere Maula
Karam Ki tajalli dikha Mere Maula

Bahut beqarari ke Aalam mein Hoon Main
Meri beqarari Mita Mere Maula

Suna hai Madina Karam Hi Karam Hai
Tu Rakhta Jahan Mein Sabhi ka Bharam hai

Tujhe wasta Tere Pyare Nabi Ka
Meri ab To Bigdi Bana Mere Maula

Jise Tune Chaha main Us Pe Fida Hoon
Main Tere Mohammad ke dar ka Gada Hoon

Tujhe wasta Karbala Ki Zameen ka
Mujhe Har Bala se bacha Mere Maula

Yeh Dono Jahan Tere zer e asar hain
Jo Tujhko Na Mane Bade Bekhabar hain

Nahi Jante Jo bhi Tere Ghazab ko
Unhe Ghaflato se Jaga Mere Maula

Shafa'at Ka Wada Kiya Tune Jis Se
gunahgar Umeed rakhte hai usse

Sifarish Kare Tujh Se ummat ki aaqa
Tu karna sabhi ka Bhala mere Aaqa

Meri Mushkilein Gar Tera Imtihan hain
To Har gham Kasam Se Khushi Ka Sama Hai

Gunaho ki Mere Agar yeh saza hai
Toh phir mushkilo ko ghata Mere Maula

Nigahon Se pinha kyun Manzil Meri Hai
Majhdhaar Mein Nau Meri Phasee Hai

Mohammad ko Tune Jo Qur'aañ Diya Hai
karodo Diloñ Mein Mukammal Chhapa hai

Aye Qur'an Ke khaliq Guzarish hai Tujhse
Mere Dil mein Qur'an basa Mere Maula

Yahan Pal Mein Badle Huye log paaye
Wahan Pal Mein apne bhi Dekhe Paraye

Tujhe Toh Hamare Diloñ ki Khabar Hai
Kareñ Tujh Se Kiska Gila Mere Maula

khatao ka mara bhi paa-lega Sahil
Gar ABID Ke Dil Mein Sama Mere Maula

Janab PeerZada Abid Ali Shah

=*=*=*=*=*=*=*=*=*=*=*=*=*=*=*=*=*=*=*=*==*=*=*=*=*==*=*=*=*=*=*=*=*=*=*=*=*=*=*=*=*=*=*=*=*=*=*=*=*=*=*=*=*=*=